Bruno Paternot
Bruno Paternot es un òme en -ista : dreit-de-l'òmista, ecologista, femenista, umanista, occitanista...
Bruno Paternot es comedian e escriu pel teatre. Pòrta la matricula 719849 a la Societat dels Autors e Compositors Dramatics.
Sas pèças son estadas ausidas dins de Centres Dramatics Nacionals a Marsilha (
La Valse des Ombres), a Montpelhièr (
Un couple), a Orleans (
Roi des Amazones) e a Peitius (
Jumal). Son tanben estadas seleccionadas per divèrses comitats de lecturas inscrits al CND : Miranda a Nissa, Panta Théâtre a Caen, Des mots et des actes a París.
En 2008, escriu e realiza un filme a l'entorn de l'òbra de Valérie Rouzeau (
Pas voir papa).
Respond a de comandas de companhiás professionalas (cie Rêves du 22 mars – Gard), amatrises (cie Art de Thalie, cie Mandarines – Hérault, La Fenêtre – Gard) o pedagogicas (Collègi dins l'Ain, escòla primària dins Cantal).
Trabalha regularament per la Maison Théâtre des Littératures de Nimes, e es doncas acostumat a portar a votz nauta los poèmas del.a.s autre.a.s.
S'investís tre 2018 dins las creacions de la companhiá Rêves du 22 Mars, pèças en bilingüe francés-occitan, espectacles tot-terren que se pòdon jogar d'en pertot, projèctes eteronòmes que mesclan creacion artistica / accions culturalas / enjòcs socials e politics. L'escritura de sos espectacles se fa tanben a la Chartrosa de Vilanòva-lès-Avinhon o pendent de residéncias d'escrituras.
Fa tanben partida de la « Bande infinie », collectiu d'autors montpelhierencs. Anima tanben talhièrs d'escritura e publica tèxtes e tribunas dins la revista
Inferno.
On the road
los corvids kerouacan discrètament
Gralhons defòra
Cachons dedins, contra lo mal de mar en veitura
On the read tanben
los soslèus literaris son mai concrèts en veitura.
Vitras obèrtas e agach vitrós.
Rebats d’èrsas dins los camps d’olivièrs. Mar Verde
Lo vent fa brusir las fuèlhas
Una frontièra e hop, un autre mond.
Meteis vent, meteisses olivièrs mas pas la meteissa beutat.
Una beutat tota espanhòla
vale vale vale
Coma de l’uòu o de la galina, de la carta o del territòri qual foguèt primièr ?
Benlèu que la frontièra foguèt plaçada aquí perque la beutat èra pas intrinsècament la meteissa ?
La saca e la ressaca del brancum
oleacèas
L’enveja de s’i getar dedins, d’oblidar son còs e la batalha
Getar son còs per nadar dins las olivas
Mar d’òli en prefiguracion
L’enveja de getar son còs
sens « tria selectiva quadri-flux »
Olé
pro
