Chahinez


Chahinez
Lo teu nom se lèva a l’Èst
Jos un solelh colpable

Chahinez
Voldriái que tote les òmes
Se recòrden del teu nom
Que totes los orfanèls s’acampen
Per saumejar lo teu nom
Que tòrnes d’entre las brasas
Coma una divessa antica
E qu’ordenèsses
Lo deluvi

Auriái tant aimat te pas conéisser, Chahinez
Jamai escriure lo teu nom

Tu que sabes e qu’as totjorn sabut
Diga-me Chahinez, serà totjorn trop tardièr
Per escantir los fuòcs, evitar las mossegadas
Veire créisser sos mainatges
Los aimar e viure ?

Diga-me, Chahinez, diga-me
Que pòsca revirar tos auguris



Chahinez, 31 ans, maire de très mainatges
Immolada pel seu marit a Merinhac
Lo 4 de mai 2021