l’agla mata lo dròne


ciele de gas an degalhat l’espèr
lei quielet lei braç tenduts
fonda dau glaç
jovent n’es rendut
gòmas balarèlas Degas
es la tiralha sorda
- òrdre dau pegàs -
lo fialat es tendut

fan segar la borda landorna
sus lei mandrons de l’androna
au sòu estenduts

ansin rona l’agent maucontent
de son salari seis oras
alassat d’escupir l’arlèri sabata
pasmens per d’argent
de deguns que jamai diràn seba


la sabla mata lo tròne