La vida


la vida
es pas
bastanta
per tant de
voide

per temps de
tant de vent
recòrds
escampat
a l’oide

cu saup
çò que l’avans
devèn

la via
es pas bastarda
es alassada
a l'azard

lo tard gasta
tarrabast
dau temps
que passa

avis l’ivern
manjavan
de cardas
es l’art
d’èsser de
quauqua part

d’onte
quauqu’un parla
dins son
barjar
de paraulas
avenadas
perdre en van
alenadas
ven tu
pren mon vam

bof

vista
lei vidas
se'n van
liscas
sens risca
click & collect
d’isclas tristas

e lo pitre
tusta
just
coma
un
jorn sens
lutz

coma
un
fruch sens
chuc

es lo
consensus
e lo jorn
es con sens lutz
ne'n pòdi
pus
es brut es fosc

tusti tossi
bruch de tos
e de còp
de lucha
de lutz
justa
es tot

lo gost
de l'estiu
es tu

l’esperada
tu
lèsta
pereu
belèu

bof

quand s’arrestarà
lo temps clavat
tornarem
prener l’estrada