En sortir de Viladomat
a esquèrra, la Gran Via
vai-i, anem, lèu
perque ara, en arribar
auriás degut donar
un poèma, quicòm
just per demorar pas mut
que dins mièja ora reünion
e te cal pas passar per un colhon
quitament tres linhas de glòsa

que parle del peirat
o del taxi que s'arrèsta...
Escriu sus aquò! Benlèu
al punt qu’auràs començat
a trobar la vertat,
a accelerar lo bal dels dits
que se calavan endormits
pel solelh e la pança plena
benlèu trobaràs la vena
del potz d'unes mots consentits

veiràs la Diagonal
tòrta coma tos passes,
mas tu escriu ! Se passas l’òsca
o se pecas per vulgaritat
encara te demòra per te ganhar la jornada
de l’escriure dins l'ascensor...
Eh òc ! benlèu es çò melhor,
que sès ja ailà defòra
e... a prepaus, ont e a quina ora
es aquesta puta de reünion ?