Aurelia Lassaque
La Manada
D’en naut de tos 18 ans
Aqueste matin, leugièra
Lo solelh a portada de cilhas
Saunejavas de tot, de res
Ta vida a inventar
An pas udolat a la luna
Lo vent s’es pas levat a lor passatge
Cargat d’auratge e d’aucèls desaviats
As pas sentit tremolar l’asfalt
As pas cercat dels uèlhs la lutz
En pensar que l’ombra te manjariá
Tu qu’aviás pas mai paur del negre
E te siás pas demandat
Se los ògres existisson verament
Qu’a 18 ans, per tu, lo negre
Èra pas mai qu’una color
E qu’aimavas mai de creire encara
Al Prince Encantador
7 de Julh de 2016, une joina femna de 18 ans es violada a Pamplona per un grop de cinc òmes se donant per escai « L’ardada », exibissent lor crimi sus la ret sociala.
D’en naut de tos 18 ans
Aqueste matin, leugièra
Lo solelh a portada de cilhas
Saunejavas de tot, de res
Ta vida a inventar
An pas udolat a la luna
Lo vent s’es pas levat a lor passatge
Cargat d’auratge e d’aucèls desaviats
As pas sentit tremolar l’asfalt
As pas cercat dels uèlhs la lutz
En pensar que l’ombra te manjariá
Tu qu’aviás pas mai paur del negre
E te siás pas demandat
Se los ògres existisson verament
Qu’a 18 ans, per tu, lo negre
Èra pas mai qu’una color
E qu’aimavas mai de creire encara
Al Prince Encantador
7 de Julh de 2016, une joina femna de 18 ans es violada a Pamplona per un grop de cinc òmes se donant per escai « L’ardada », exibissent lor crimi sus la ret sociala.