Dins lo cant de mon imaginari i a un uòu
e dins aqueste uòu (de jòia e de tristesa mesclada e vida, disiá l’autre)
se tròban Jacky, Patrick e Ariane
lo tabolé, la tarta normanda e los diluns es raviòli
la liura entrepresa e lo partatge del pan
los vouchers e lo timeshare
la Vittel-fraga, lo Perrier-citron e la Vichy-menta
Drazic e la disparicion del nasic esaitalesterribleindignemnos

Mon uòu es pas decorat del rore, de la cagarolada ni de Flamenca
L’esculti
pas a pas
l’aucèl fa son uòu
lo cocut fa sos uòus dins son pròpri nis
per m’enrasigar dins çò que vòli èsser
pas de çò qu’òm m’a fait
quitament se preni tanben lo surimi e de knackies

Disèm Perrier-lesca o Perrier-rondèla ?