Desirar que desaparesca l’abséncia
e del demai, s’afartar de tocar

Encara la paur envernissada :
dins cada pas qu’avanci pas,
dins cada pas que m’arrèsti pas,
dins cada pas qu’o pensi e o tòrni pensar
e de la posca passa a la polsa
e de la polsa passa al fuòc
e lo fuòc penètra prigondament,
calma doçament,
combat lo còs
e regna…

Regna la folia.

Mas contunhi.
Emai lo cèl foguèsse lord.
Emai pel sòl la sang e la colomba.
Emai en fàcia lo gavian e las viscèras.